कोरोना व्हायरसच्या जनजागृतीसाठी मोहाचे पोलिस पाटील आघाडीवर

कळंब, प्रतिनिधी | हर्षवर्धन मडके
सद्या जगभरामध्ये  कोरोना विषाणुजन्य रोगाने थैमान घातला असून त्याचे पडसाद  खेड्यापाड्यात  पडल्याचे दिसून येत असून नागरिकांना कोरोना व्हायरस सारख्या आजारापासून सावधानता बाळगण्यासाठी  कळंब तालूक्यातील  मोहा चे पोलीस पाटील प्रकाश गोरे हे गावा मध्ये टाळेबंदी लागू झाल्या दिवसापासुन जनजागृती व केद्र शासनाच्या आदेशाचे पालन करा म्हणत जनजागृती करत आहेत.    कळंब तालुक्यातील मोहा हे दहा हजार च्या आसपास लोकसंख्या असलेले गाव या गावचे पोलिस पाटील प्रकाश गोरे यांनी टाळेबंदी च्या दिवसापासून  गावभर फिरणे व नागरिकाने एकोप्याने थांबुनये या आजारापासून बचाव करण्यासाठी हाताची स्वच्छता राखावी  शिंकताना तोंडाला रुमाल बाधावा. पुण्या मुंबईवरून आलेल्या नागरिकांना भेटून शासकिय रुग्णालयात तपासुन घ्या व कुटुंबापासून वेगळे राहण्याचा सल्ला दिला सर्दी खोकल्याचे सह  तसे काही लक्षणे जाणवू लागले तर माझ्याशी,आरोग्य कर्मचाऱ्यांशी,अंगणवाडी,आशाकार्यकर्ती किवा सरपंचाशी   संपर्क साधण्याचे आव्हान पोलिस पाटील यांनी नागरिकांना केले आहे.या आजारास गावातील नागरिकांनी घाबरण्याची अजिबात आवश्यकता नसून या कोरोना व्हायरस शी लढा देण्यासाठी आपण सर्वजण सहकार्य करावे. लाँक-डाऊनची काळ मर्यादा पुर्ण  होई पर्यत  नागरिकांनी विनाकारण घराबाहेर येऊ नये, देश हितास सहकार्य करावे असे पोलिस पाटील प्रकाश गोरे यांनी सांगितले.