जळगांव(प्रतिनिधी)- आज रोजी जिल्हा परिषद शिक्षण क्रीडा व आरोग्य सभापती यांच्या दालनात जिल्हा परिषद जळगांव अंतर्गत शालेय शिक्षण घेत असताना कै. रवींद्र संजय अलकारी इयत्ता ८वी शारदा माध्यमिक विद्यामंदिर साकळी ता. यावल या विद्यार्थ्याचा पाण्यात बुडून मृत्यू झाल्याने त्याचे पालक संजय अलकारी यांना राजीव गांधी विद्यार्थी अपघात सानुग्रह अनुदानाची रक्कम ७५००० हजार रुपये धनादेश आज वितरीत करण्यात आला. शिक्षण विभाग(प्राथ) जिल्हा परिषद जळगांव कार्यालयाअंतर्गत १३ प्रस्तावांना मंजुरी देण्यात आली असून सर्व धनादेश वितरणाची कार्यवाही सुरु असून ज्या विद्यार्थ्यांचे अपघाती निधन झाले आहे व प्रस्ताव सादर करण्यात आलेल्या शाळेतील मुख्याध्यापक व पालक यांनी आपले धनादेश घेऊन जावे असे जि.प.शिक्षण विभागाच्या वतीने कळविण्यात आले आहे. सदर धनादेश वितरण करते वेळी जि.प.शिक्षण क्रीडा व आरोग्य विभाग सभापती रवींद्र सूर्यभान पाटील, उपशिक्षणाधिकारी(प्राथ) डॉ. डी.एम. देवांग, शिक्षण विस्ताराधिकारी विजय पवार, यावल प.स. कनिष्ठ प्रशासन अधिकारी अजय पाटील, अमळनेर प.स. कनिष्ठ प्रशासन अधिकारी भूपेंद्र बाविस्कर, श्रीमती बैसाणे, स्वीय सहाय्यक कांतीलाल पाटील आदी उपस्थित होते.
