फैजपूर(किरण पाटील)- यावल तालुक्यात कोरोना बाधितांचा आकडा दिवसेंदिवस वाढतच असल्याचे दिसून येत आहे. त्यात फैजपुर शहरातही पुन्हा एक रुग्ण कोरोना बाधित आढळून आला आहे. दि.७ जून च्या मध्यरात्रीच्या सुमारास आलेल्या अहवालात एक ५८ वर्षीय दुकान व्यावसायिकाचा कोरोना विषाणूची बाधा झाल्याचे स्पष्ट झाले आहे. दि. ८ जून पर्यत फैजपूर शहाराती रुग्णांची संख्या नऊ वर पोहचलेली आहे. सदरील रुग्ण खुशालभाऊ रोड परिसरातील असून सदर परिसर प्रशासनाकडून सील करण्यात आला आहे. या अगोदर ही कुरेशी मोहल्ला, दक्षिण बाहेरपेठ मार्ग, शिवाजी नगर परिसर असेही मार्ग प्रशासनाकडून सील करण्यात आलेले आहे.
