<
जळगांव(प्रतिनिधी)- देशातील तरुणाईला दिशादर्शक असणारी व राष्ट्रीय एकात्मतेसाठी विविध उपक्रम राबवणारी नॅशनल युथ कौन्सिल ऑफ इंडिया अर्थातच भारतीय राष्ट्रीय युवा परिषदेच्या जळगाव जिल्हा सचिव पदी स्वामी समर्थ ग्रुपच्या संचालिका कु. प्रतीक्षा मनोज पाटील यांची एकमताने निवड करण्यात आली. त्या ग.स.सोसायटी अध्यक्ष मनोज आत्माराम पाटील यांच्या कन्या आहेत. दि. ९ जून रोजी त्यांना निवडपत्र प्राप्त झाले.
या सेवाभावी युवकांचे शैक्षणिक, सामाजिक व राजकीय क्षेत्रातील कार्य लक्षात घेता युवा परिषदेचे राष्ट्रीय अध्यक्ष डॉ.रामू यांच्या मार्गदर्शनाने राज्य परिषदेचे अध्यक्ष डॉ.त्रेवीणीकुमार कोरे यांनी ही निवड केली आहे.
युवा परिषदेच्या माध्यमातून युवकांचा सामाजिक कार्यात सहभाग वाढवून विधायक कार्य करण्याचा पुरेपूर प्रयत्न करणार असल्याचे त्यांनी सांगितले. त्यांच्या या निवडीबद्दल सर्वस्तरातून कौतुक होत आहे.
