<
जळगाव, ता.16: येथील जळगाव पोलिस बॉईज असोसिएशनतर्फे कोरोनाच्या पार्श्‍वभुमीवर शहरातील वृत्तपत्र छायाचित्रकार बांधवांना एन-95 मास्कचे वाटप करण्यात आले.
पोलिस बॉईज असोसिएशनतर्फे विविध सामाजिक उपक्रम राबविले जात असतात. सध्या कोरोनाच्या प्रार्दुभावातही शहरातील सत्य परिस्थितीचे छायाचित्र दररोज वृत्तपत्रांच्या माध्यमातून आपल्यापर्यंत पोहचवण्याचे कार्य शहरतील विविध वृत्तपत्रांचे छायाचित्रकार करित आहेत. त्यांना यासाठी भटकंती करावी लागत असल्याने त्यांच्या सुरक्षेसाठी पोलिस बॉईज असोसिएशनच्या कार्यकर्त्यांनी एकत्र येत एन-95 मास्क वाटप करण्याचे ठरवून आज (ता.16) गोलाणी संकुलाजवळ सर्व दैनिकांच्या छायाचित्रकारांना मास्क, सॅनिटायझर व अर्सेनिक अल्बमच्या गोळ्यांचे वाटप केले. यावेळी पोलिस बॉईज असोसिएशनचे मार्गदर्शक कुणाल मोरे, अध्यक्ष राकेश कांबळे, उपाध्यक्ष आरिफ पिंजारी, महानगर प्रमुख किरण राजपूत, शहराध्यक्ष सलमान शाह, निखिल ठक्कर आदी उपस्थित होते.
