जळगांव(प्रतिनिधी)- येथील काशीबाई उखाजी कोल्हे व जुनियर कॉलेजातील मुख्य लिपिक प्रमोद जगन्नाथ पाटील हे दिनांक ३० जून रोजी शासनाच्या नियमानुसार सेवानिवृत्त झाले. प्रमोद पाटील म्हणजे उत्साही व्यक्तिमत्व त्यांनी आजारपणावर मात करून स्वतःला कार्यप्रवण ठेवले. त्यांची कार्यालयातील कार्यतत्परता व स्टेशनरी बद्दलची जागरुकता विशेष होती. त्यांची सेवा २२ वर्षे ७ महिने एवढी झाली. याप्रसंगी सत्कारमूर्ती प्रमोद पाटील यांचा सत्कार लोक शिक्षण मंडळाचे चिटणीस मा. अवधूत पाटील यांच्या हस्ते करण्यात आला. यावेळी शाळेच्या मुख्याध्यापिका जे.आर.गोसावी, उपमुख्याध्यापक ए. व्ही.ठोसर, पर्यवेक्षक एच.जी. काळे, उपचिटणीस एस.डी.खडके, बी.एस राणे, पी.ए.पाटील, कोमल ढाके, ईश्वर चव्हाण उपस्थित होते.
