एरंडोल(प्रतिनिधी)- एकात्मतेचे शहर म्हणून एरंडोल शहर व तालुक्याची ओळख आहे.शहरातील नागरिक एकमेकांना पारंपरिक सणांच्या शुभेच्छा देतात.शहरातील सर्व मुस्लिम बांधवांनी शिवाजीनगर येथील ईदगाह येथे सामुदायिक नमाज पठण करून बकरी ईद साजरी केली.सर्व मुस्लिम बांधवांना ईद निमित्त शुभेच्छा देण्यासाठी एरंडोल तालुक्याचे तहसीलदार डॉ.अर्चना खेतमाळीस,एरंडोल पो.स्टे.चे पोलिस निरीक्षक अरुण हजारे, शिक्षक संघटना राज्य समन्वय समितीचे राज्य समन्वयक किशोर पाटील कुंझरकर सालाबादाप्रमाणे सकाळी आठ वाजेपासून उपस्थित राहून सर्व मुस्लिम बांधवांना त्यांनी शुभेच्छा दिल्या. यावेळी माजी उपनगराध्यक्ष कमर आली सय्यद, पत्रकार संजय चौधरी,तालुका वैद्यकीय अधिकारी डॉ.फिरोज शेख, प्रा.प्रतापराव पवार, शहरातील आदी उपस्थित होते.
