<
जळगांव(प्रतिनीधी)- तालुक्यातील कुसुंबा येथील श्री स्वामी समर्थ सीबीएसई इंग्लिश मीडियम स्कूलमध्ये गुरुपौर्णिमा निमित्त प्रतियोगिता घेण्यात आली या ऑनलाईन स्पर्धेत मुलांनी उत्साहितपणे सहभाग नोंदविला. विद्यार्थ्यांनी ऑनलाइन पद्धतीने गुरुपौर्णिमा हा उत्सव साजरा केला या स्पर्धेत मुलांनी श्लोक व एक मिनिटाची स्पीच या पर्यायातून एक पर्याय निवडून आपले सादरीकरण ऑनलाइन केले. साक्षी लोखंडे, आयुष डिवरे, केवल बऱ्हाटे, परिधी अटनेरे, वैष्णवी पवार, वैभवी बऱ्हाटे, तनिष्क पवार आरोही बाविस्कर, आदीब खान, आयुष पाटील, दूर्वाक पाटील जानवी राणे यांनी सहभाग नोंदविला या कार्यक्रमाच्या यशस्वितेसाठी संस्थाध्यक्ष मनोज पाटील यांचे मार्गदर्शन लाभले तर प्रतीक्षा पाटील व मुख्याध्यापिका तनुजा मोती तसेच शिक्षक व शिक्षकेतर कर्मचाऱ्यांनी विशेष परिश्रम घेतले.
