मोफत वह्या वाटप करून केला वाढदिवस साजरा

जळगाव (प्रतिनिधी) – येथील केसीई सोसायटी संचालित गुरुवर्य प.वि.पाटील विद्यालयात पालक शिक्षक संघाचे उपाध्यक्ष विकास अरुण रणधीर यांनी आपला वाढदिवस एका आगळ्या वेगळ्या पद्धतीने साजरा केला.
इयत्ता 1ली मध्ये नव्याने प्रवेश घेतलेल्या गरीब व हुशार अशा सर्व विद्यार्थ्यांना त्यांनी दुरेघी व चौकटीच्या वह्यांचे वाटप केले.कोणत्याही कार्यक्रमाचे आयोजन न करता एका चांगल्या कार्याला हातभार लागावा व त्यामाध्यमातून गरीब विद्यार्थ्यांना काही मदत करून त्यांचे शैक्षणिक बाबतीत सहकार्य करावे हाच खरा वाढदिवस हे उद्दिष्ट त्यांनी सार्थ केले.
त्यांच्या या उपक्रमाबाबत विद्यार्थी तसेच त्यांचे पालक अतिशय आनंदित झाले व त्यांनी मनापासून विकास रणधीर यांचे आभार मानले.विद्यार्थ्यांची सुद्धा नवीन शैक्षणिक साहित्य मिळाल्यावर शिकण्याची इच्छा द्विगुणित झाली.
सर्वांनी अशाच प्रकारे काहीतरी समाजकार्य करून वाढदिवस किंवा इतर क्षण साजरे करावेत अशी आशा मुख्या.रेखा पाटील यांनी व्यक्त केली.प्रसंगी पालक शिक्षक संघाचे सर्व सदस्य, शिक्षक शिक्षकेतर कर्मचारी उपस्थित होते.