<
कोरोनाकरिता केलेल्या उपाययोजनांचा घेतला आढावा
हिंगोली, दि. ११ : पालकमंत्री प्रा.वर्षा गायकवाड या हिंगोली जिल्ह्याच्या दौऱ्यावर आलेल्या आहेत. यावेळी त्यांनी वसमत येथील उप जिल्हा रुग्णालयातील कोविड केअर सेंटर आणि शासकीय स्त्री रुग्णालयास भेट देऊन पाहणी केली. तसेच रुग्णालयात आरोग्य विषयक करण्यात आलेल्या उपाययोजनांचा यावेळी त्यांनी आढावा घेतला.
यावेळी खासदार राजीव सातव, आमदार चंद्रकांत नवघरे, जिल्हाधिकारी रुचेश जयवंशी, मुख्य कार्यकारी अधिकारी राधा बिनोद शर्मा, उपविभागीय अधिकारी प्रविण फुलारी जिल्हा शल्यचिकित्सक डॉ. किशोर श्रीवास यांची उपस्थिती होती.
