जिल्हाधिकाऱ्यांची जामनेर येथील कोविड रुग्णालयास भेट; कोरोना परिस्थितीचा घेतला आढावा

जामनेर(प्रतिनिधी)- येथील तहसीलदार कार्यालयात तहसीलदार, पोलीस निरीक्षक, गटविकास अधिकारी, तालुका आरोग्य अधिकारी, मुख्यकार्यकारी अधिकारी नगरपालिका, वैद्यकीय अधीक्षक यांची कोरोना संदर्भात सखोल आढावा बैठक घेतली. कंटेन्मेंट झोन मधुन सारी व आयएलआय चे अधिकाधिक रुग्ण शोधुन त्यांची तात्काळ अँटीजन टेस्ट करण्याबाबत सुचना दिल्या. तसेच कोरंटाईन सेंटर मधील नागरिकांची सुद्धा अँटीजन टेस्ट करण्याच्या सुचना दिल्या त्यामुळे नागरिकांचा त्रास वाचेल व कोरंटाईन होण्याची आवश्यकता भासणार नाही असे त्यांनी सांगितले. तसेच जामनेर व शेंदूर्णी येथे वार्ड निहाय खाजगी डॉक्टरांच्या सहकार्याने मोहल्ला कॅम्प चे आयोजन करून त्यांची थर्मल स्कॅन व एस पी ओ टू ची तपासणी करून आवश्यकता असल्यास त्यांची अँटीजन टेस्ट करून पुढील कार्यवाही करण्याच्या सुचना दिल्या. उपजिल्हा रुग्णालय जामनेर येथे 20 रुग्णांसाठी ऑक्सिजन पुरवठा असणारे बेड तात्काळ सुरू करण्याबाबत सुचना केल्या जेणेकरून रुग्ण पुढे पाठवण्याची आवश्यकता भासणार नाही. जिल्हाधिकारी यांनी पळासखेडा येथील कोव्हीड केयर सेंटर ला भेट देऊन भरती असलेल्या रुग्णांची विचारपुस केली. सर्वानी आरोग्य सेवेबाबत, स्वच्छतेबाबत व जेवणाबाबत समाधान व्यक्त केले. याप्रसंगी तहसीलदार अरुण शेवाळे, पोलीस निरीक्षक प्रताप इंगळे, गटविकास अधिकारी एन.आर. पाटील, तालुका आरोग्य अधिकारी डॉ.राजेश सोनवणे, वैद्यकीय अधीक्षक डॉ. हर्षल चांदा, मुख्य कार्यकारी अधिकारी राहुल पाटील, वैद्यकीय अधिकारी डॉ.प्रशांत महाजन, डॉ. आर.के.पाटील आदी उपस्थित होते.