मोयखेडा दिगर येथील 12 वर्षीय मुलाचा डोहात डुबून मृत्यू ;महसूल प्रशासनाचे हलगर्जीपणामुळे नागरिकांचा संताप

जामनेर/प्रतिनिधी-अभिमान झाल्टे
जामनेर तालुक्यातील मोयखेडा दिगर येथील 12 वर्षीय आनंद श्यामा चौधरी हा गावातील गुळ नदीत खेखडे शोधण्यासाठी गेला असता नदीत रेती च्या उपस्यामुळे पडलेल्या खड्यात साचलेल्या डोहात पाय घसरून पडल्या ने त्याचा दुर्दैवी मृत्यू झाला. मोयखेडा दिगर गावात या घटनेने हळहळ व्यक्त होत आहे.
आनंद श्यामा चौधरी याच्या घरची परिस्थिती अत्यंत गरीबीची बिकट असून त्याला तीन बहिणी व दोन भाऊ, आई, वडील असा परिवार आहे.
जामनेर तालुक्यात अवैध वाळू उपस्याने हा बळी घेतला असून या भागातील महसुली कर्मचारी व अवैध वाळू उचल करणारे यांचे आर्थिक लांगेबांधे असल्याने नदीत असे खड्डे पडून त्यात पाणी साचून डोह तयार होत आहे. त्यामुळेच या मुलाला आपला जिव गमवावा लागला.
अश्या घटनेने गावातील नागरिक यांनी महसूल प्रशासना वर आपला संताप व्यक्त केला आहे.