<
जळगांव(प्रतिनिधी)- येथील जिल्हा परिषद प्राथमिक विभागाचे उपशिक्षणाधिकारी दिगंबर मुरलीधर देवांग यांची जिल्हा परिषद माध्यमिक विभागात उपशिक्षणाधिकारी म्हणून बदली करण्यात आली आहे. त्यांनी जि.प.जळगांव येथे प्राथमिक विभागात उपशिक्षणाधिकारी म्हणून ४वर्षे सेवा दिलेली असून आता त्यांची उपशिक्षणाधिकारी म्हणून माध्यमिक विभागात बदली करण्यात आली आहे. आजपर्यत त्यांची एकूण ३४ वर्ष सेवा पूर्ण झालेली आहे. महाराष्ट्र शिक्षण सेवा गट-अ व गट-ब मधील विविध संवर्गातील अधिकाऱ्यांच्या बदल्यांचे अधिकार प्रत्यार्पित करण्याचा निर्णय दिनांक ३० मे २०१५ च्या शासन निर्णयाद्वारे घेण्यात आला आहे. सदर अधिनियमातील तरतुदीनुसार ३१ मे २०२० रोजी तीन वर्षाचा कालावधी पुर्ण करणाऱ्या अधिकाऱ्यांच्या बदल्यांचा प्रस्ताव नागरी सेवा मंडळा समोर सादर करण्यात आला होता. त्याअनुषंगाने श्री. देवांग यांना जि.प.प्राथमिक विभागात उपशिक्षणाधिकारी पदावर ४वर्षे पूर्ण झाले असून आता त्यांची माध्यमिक विभागात उपशिक्षणाधिकारी म्हणून बदली करण्यात आली आहे.
