<
जळगांव(प्रतिनिधी)- महसुल दिनानिमित्त सन २०१९-२० करीता विभागीय, जिल्हास्तरावर दिनांक ३ ऑगस्ट २०२० रोजीसाठी उत्कृष्ट अधिकारी कर्मचारी यांची पुरस्कांरासाठी निवड करण्यात आली होती. यात महसुल दिनानिमित्त जळगांव जिल्ह्यांतुन सन २०१९-२० या वर्षात महसुल प्रशासनातर्गत विविध क्षेत्रात उत्कृष्ट कामगिरी केल्याबद्दल उत्कृष्ट वाहन चालक म्हणुन रविंद्र भिका पाटील तहसिल कार्यालय पाचोरा यांना जिल्हाधिकारी अभिजित राऊत यांनी उत्कृष्ट वाहन चालक म्हणुन सन्मानपत्र देवुन गौरविले.
सदर समारंभ जिल्हाधिकारी कार्यालय जळगांव येथे करण्यात आला. रवींद्र पाटील हे पाचोरा तहसिल कार्यालय येथे तहसिलदार यांच्या वाहनाचे चालक आहेत. त्यांच्या या सन्माना बद्दल जिल्ह्याभरातुन त्यांचे कौतुक केले जात आहे.
