शहरात टवाळखोरांचा धुमाकूळ

जळगांव(प्रतीनिधी)- शहरातील काही भागात काही टवाळखोर समाज कंटक पुन्हा सक्रीय झाल्याने शहरातील शांतता धोक्यात येण्याची शक्यता निर्माण झाली असुन पोलीस प्रशासनाने या गंभीर बाबीकडे डोळेझाक केली आहे.
सविस्तर वृत्त असे की, जळगांव पोलिस मुख्यालयाच्या समोर देशपांडे मार्केट ला काल रात्री १ वाजेदरम्यान काही टवाळखोरांनी लाइट आणि केबल तोडून नुकसान केले आहे. सदर प्रकार हा सकाळी मार्केट मधील दुकानदार सकाळी दुकान उघड्याकरीता आले असता, त्यांना हा घडलेला प्रकार लक्षात आला. नवीन बस स्टँड शेजारी असलेल्या भजेगल्लीत काही तळीराम मद्यप्राशन करून धुमाकूळ घालत असतात, घडलेला प्रकार हा त्यांनीच केला असावा असा अंदाज दुकानदारांकडून वर्तवला जात आहे. घडलेल्या घटनेने दुकानदार भयभीत झाले असून, त्यांच्या मनात असुरक्षिततेची भावना निर्माण झाली आहे. या टवाळखोरांचा लवकर बंदोबस्त करावा. असे मत दुकानदारांनी सत्यमेव जयते च्या प्रतिनिधीशी बोलताना व्यक्त केले.