प्रयोगशील शेतकरी मयूर वाघ यांच्या शेतात कृषी आत्मा अंतर्गत “मोसंबी व लिंबू” प्रशिक्षण संपन्न

जळगांव(प्रतिनिधी)- शेतकऱ्यांचे कौशल्य विकसित वाढण्यासाठी कृषी तंत्रज्ञान व्यवस्थापन यंत्रणा (आत्मा) अंतर्गत मोसंबी व लिंबू पिकांची छाटणी, प्रतवारी, जमीन निवड व माती परीक्षण आशा विविध विषयांवर चर्चा करण्यात आली. तरी ही चर्चा बांबरुड (राणीचे) येथील प्रयोगशील युवा शेतकरी मयुर अरुण वाघ यांच्या शेतात प्रशिक्षण पार पडले. कार्यक्रमाचे अध्यक्ष पं.स.सदस्य ललित वाघ, कार्यक्रमास प्रमुख पाहुणे शास्त्रज्ञ  आर.एस.महाजन व प्रयोगशील शेतकरी तुकाराम पाटील, तालुका कृषी अधिकारी ए.व्ही.जाधव यांनी सखोल व कृषी विभागाच्या विविध योजना संदर्भात माहिती दिली. तसेच तालुका तंत्रज्ञान व्यवस्थापक सचिन भैरव यांनी सूत्रसंचालन व मयूर वाघ यांनी आभार प्रदर्शन केले त्याचबरोबर कृषि मंडळ अधिकारी के.एन.घोंगडे व बांबरुड, कुरंगी, सामनेर, नांद्रा परिसरातील शेतकरी वर्ग मोठ्या संख्येने उपस्थित होते. शेतकऱ्यांनी कार्यक्रमाबद्दल समाधान व्यक्त केले.