<
जळगांव(धर्मेश पालवे):-भारतभर साजरा केला जाणारा रक्षाबंधन हा भाऊ बहिणीचा जिव्हाळ्याचा दिवस आणि १५ऑगस्ट हा ऐतिहासिक दिन सर्वत्र उत्साहाने आनंदात साजरे केले जातात.यंदा दोन्हीही दिवस एकाच दिवशी आल्याने शहरात विविध ठिकाणी या दिवसाचे औचित्यपूर्ण महत्व पहाता सामाजिक कार्य करणाऱ्या छावा मराठा युवा महासंघाच्या जळगांव माध्यमातून शहरातील बालसुधार गृह व निरीक्षण गृहात ,तसेच लीलाई मुलाचे बालगृह शिव कॉलनी या ठिकाणी मुलींकडून मुलानं राख्या बांधून बहीण भावाचे प्रेमभावना जागृत करण्याच काम करण्यात आले.
बालनिरीक्षक अधिक्षिका श्रीमती जयश्री एस पाटील, लिलाई मुलाचे बालगृह चे अधीक्षक विठ्ठल पाटील यासह दोन्ही बालगृहातील मुलांना राख्या बांधून रक्षाबंधन साजरे करण्यात आले.
सदर उपक्रमात छावा मराठा युवा महसंघाचे उत्तर महाराष्ट्र प्रमुख अजय पाटील,जिल्हा अध्यक्ष मा अमोल कोल्हे ,जिल्हा महिला आघाडी छावा मराठा युवा महासंघ चे श्रीमती मंगला ताई सोनवणे, जामनेर तालुका अध्यक्ष संतोष महाले व सामजिक कार्यकर्ते मा गुरुनाथ सैदाने, डॉ धर्मेश पालवे, सह पदाधिकारी व कार्यकर्ते हजर होते.
