<
जळगांव(प्रतिनीधी)- महावितरण कंपनीमध्ये EWS च्या २३६ उमेदवारांची अगोदर घेतले गेले. त्यांच्या विविध चाचण्या घेण्यात आल्या त्यात ते उत्तीर्ण झाले. आता त्यांना नियुक्ती मिळणे बाकी आहे. परंतु महावितरण विभागाकडून त्यांना सांगण्यात आले की, SEBC च्या उमेदवारांना त्रूटी निर्माण झाल्याने त्यांना EWS मध्ये उतरविण्यात येईल व नंतर पुन्हा निवड प्रक्रिया करण्यात येईल. हे त्या विद्यार्थ्यांच्या भावनांशी खेळणे आहे. महावितरण विभागाने असे काही केल्यास आमची संघटना कायदेशीर पद्धतीने आंदोलन करुन न्याय मिळेपर्यंत स्वस्थ बसणार नाही असं श्री राष्ट्रीय राजपूत करणी सेनेने जिल्हाधिकाऱ्यांना निवेदन देते वेळी म्हटले आहे. प्रसंगी, सचिन चौधरी, निलेश चौधरी, रोहित पाटील, शेख शोयब, आमिर खान, गिरीश जोशी, शिवाजी पाटील, नितीन खुरे उपस्थित होते.
