गटविकास अधिकारी व तालुका वैद्यकीय अधिकारी यांची पहुर कोव्हिड संशयित रुग्ण शोध मोहिमेस संयुक्त भेट

पहुर दि.२६-(प्रतिनिधी) – जिल्हाधिकारी अभिजित राऊत यांच्या आदेशानुसार जामनेर शहरासह संपूर्ण तालुक्यात माझे कुटुंब माझी जबाबदारी या धर्तीवर “कोव्हिडं संशयित रुग्ण शोध मोहीम राबवली जात आहे.
शोध मोहिमेच्या टीम मध्ये शिक्षक, अंगणवाडी सेविका, मदतनीस, आशा स्वयंसेविका, ग्रामपंचायत कर्मचारी,नगरपालिका कर्मचारी यांचा सहभाग आहे. ग्रामीण भागात ग्रामसेवक, सरपंच, पोलिस पाटील हे तर शहरी भागात,नगरपालिका, नगरसेवक, नगराध्यक्ष व स्वयंसेवी संस्था सदर मोहिमेसाठी टीम मधील सदस्यांना मदत करीत आहेत. जलद सर्वेक्षणाच्या आधारावर टीम कडुन घरोघरी जाऊन संशयित कोव्हिडं रुग्ण शोधून तात्काळ त्यांची कोव्हिडं टेस्ट करण्यात येत आहे.
जामनेर येथे 20 टीम शेंदूर्णी येथे 8 टीम तर उर्वरित तालुक्यात 297 टीमची नेमणूक तहसीलदार यांच्या आदेशाने करण्यात आली आहे.
तरी नागरिकांनी मोहिमेस सहकार्य करावे असे आवाहन प्रशासनाकडून ग्रामीण भागात गटविकास अधिकारी जे.व्ही. कवळदेवी यांच्याकडून करण्यात आले.
काही टीम मध्ये शिक्षक उपस्थित नसल्याचे व काही टीमकडे पल्स ऑक्सिमिटर, थर्मल गन नादुरुस्त असल्याचे लक्षात आले.
गटविकास अधिकारी यांनी तात्काळ शिक्षकांना उपस्तीत केले व पहुर पेठ,पहुर कसबे ग्रामसेवकांना टीम निहाय तात्काळ आजच साहित्य उपलब्ध करून देण्याचे आदेश दिले.
सदर प्रसंगी तालुका वैद्यकीय अधिकारी डॉ. राजेश सोनवणे यांनी उपस्तितांना मार्गदर्शन केले व स्वतः ची काळजी घेऊन सर्वेक्षण करण्याचा सुचना दिल्या. सदर प्रसंगी ग्रामीण रुग्णालय पहुर चे वैद्यकीय अधिकारी डॉ. जितेंद्र वानखेडे, तालुका मलेरिया पर्यवेक्षक व्ही.एच.माळी, गणेश राऊत ,सर्व शिक्षक, आशा स्वयंसेविका, अंगणवाडी सेविका उपस्थित होत्या.