<
जामनेर-(बाळू वाघ)– येथील आपले सरकार या केंद्रावर आधारकार्ड, जातीचा दाखला, उत्पन्नाचा दाखला, नॉनक्रिमिलियर, डोमोशिअल,नँशनलिटी, असे काही दाखले बनविण्याचे आपले सरकार केंद्रावर ही सुविधा आहे. पण ही सुविधा वाले दलाल अव्वा च्या सव्वा पैसे घेऊन काम करीत आहे. शासनाची फी अत्यंत माफक स्वरुपाची आहे. जसे की, डोमोशिअल ची शासनाकडून ३६रुपये इतकी फी आकारली जाते. आणि आपले सरकार केंद्राचे २००रुपये फी घेऊन ग्राहकांची खुलेआम फसवणूक करीत आहे. ग्राहकांकडून इतकी फी वसुल केल्यानंतर देखील ग्राहकांना पावती दिली जात नाही. आणि पावती संदर्भात विचारले असता बोलतात की, आम्हाला पावती देण्यासाठी मनाई केली आहे. आम्हाला शासनाचे कडक नियम आहेत. की पावती कोणालाही देऊ नये, असे सांगून ग्राहकांची दिशाभूल करत त्यांना लुबाडत आहे. तसेच डोमोशिअल ची शासकीय फी ३६रुपये असताना भोळ्याभाबड्या ग्राहकांकडून २०० रुपये आकारले जात आहे. तसेच आधारकार्ड नोंदणी चे १००रुपये, जातीच्या दाखल्याचे ३००रुपये असे वेगवेगळ्या कागदपत्रांचा मनमानी भाव त्या केंद्रांत चालू आहे. तुम्ही कुठे ही जा जामनेर मध्ये हाच रेट चालु आहे असे जामनेर मधील वाकी रोडवर असलेल्या आपले सरकार या केंद्रवरील कर्मचाऱ्याने सत्यमेव जयते च्या प्रतिनिधीशी बोलताना सांगितले. यामुळे ग्राहकांची लूट या आपले सरकार केंद्राकडुन होत आहे. या केंद्राचे लायसन रद्द करण्यात यावे, अशी ग्राहकांची मागणी जोर धरू लागली आहे.
