<
पाळधी – (प्रतिनिधी) – पाळधी तालुका धरणगाव येथून जवळच असलेल्या चोरगाव जळगाव बससेवा गेल्या 16 महिन्यापासून कोरोना प्रादुर्भावामुळे बंद झालेली होती सदर मार्गावर बांभोरी, पाळधी ,चांदसर ,कवठळ चोरगाव आदी गावातील प्रवाशांचे बस अभावी हाल होत होते.
आता अनलॉक झाल्याने बससेवा पूर्ववत सुरू व्हावी यासाठी चांदसर चे लोकनियुक्त सरपंच सचिन पवार चोरगाव चे सरपंच नाना सोनवणे यांनी पाठपुरावा करून बससेवा दिवसभरात तीन वेळा सुरू झाल्याने ग्रामस्थ प्रवाशांनी समाधान व्यक्त केले आहे.
आज गावात बस आल्यानंतर सरपंच नाना सोनवणे व ग्रामस्थांनी चालक वाहकांचा सत्कार केला यावेळी गुलाब सोनवणे, मस्तांशह भैय्या पवार गोकुळ सोनवणे, गोपाळ सोनवणे आदी ग्रामस्थ उपस्थित होते.
