<
भडगाव (वार्ताहर) – येथुन जवळच असलेल्या कर्मवीर तात्यासाहेब हरि रावजी पाटील,किसान शिक्षण संस्था,भडगाव संचलीत,गो.पु.पाटील माध्यमिक व उच्च माध्यमिक विद्यालय,कोळगाव येथील विद्यार्थ्यांनी बारावीच्या परिक्षेत घवघवीत यश मिळवले आहे.
उच्च माध्यमिक प्रमाणपत्र (इयत्ता बारावी) परीक्षा सन 2021 साठी नोंदणी केलेल्या,विषयनिहाय संपादित केलेल्या गुणांचा निकाल संकेतस्थळाद्वारे उपलब्ध झाला असून त्यात उच्च माध्यमिक विद्यालयाचा 100% विद्यार्थी-विद्यार्थिनी उत्तीर्ण होऊन घवघवीत यश मिळवले आहे.
बारावी विज्ञान शाखेत प्रथम कु.पाटील स्नेहा संजय (87:83%), द्वितीय चि.वाघ नितीन गुलाब (87:16%) तर तृतीय कु.जोशी प्राजक्ता विजय (86:50%) तसेच कला शाखेत प्रथम कु.पाटील छाया रामदास (85:50%), द्वितीय कु.पाटोळे निशा भास्कर (84:00%) तर तृतीय कु.महाले ममता भास्कर (83:66%)यांनी विशेष यश संपादन केले आहे.एकूण 550 विद्यार्थ्यांंमधून 302 विद्यार्थी विशेष प्राविण्य प्राप्त केले असून 248 विद्यार्थी प्रथम श्रेणीत उत्तीर्ण झाले आहेत.
यशस्वीतांचे तसेच त्यांच्या पालकांचे तसेच सदर विद्यार्थ्यांना मार्गदर्शन करणाऱ्या शिक्षकांचे संस्थेचे चेअरमन प्रतापराव पाटील,अव्वर सचिव प्रशांत पाटील,दुध फेडरेशनच्या संचालिका तसेच संस्थेच्या सचिव डॉ.पुनम पाटील,पं.स.गटशिक्षणाधिकारी सचिन परदेशी ,केंद्रप्रमुख संजय न्हायदे,प्राचार्य सुनिल पाटील,पर्यवेक्षक अनिल पवार तसेच शिक्षक-शिक्षकेतर बंधु-भगिनींनी अभिनंदन करुन भावी वाटचालीसाठी शुभेच्छा दिल्या आहेत.
