प्रा.राजेश जाधव गणित आणि बुद्धिमत्ता अकॅडमीच्या चार विद्यार्थ्यांचे घवघवीत यश

जळगांव(चेतन निंबोळकर)- तालुक्यातील वावडदा येथील प्रा.राजेश जाधव गणित आणि बुद्धिमत्ता अकॅडमीतील चार विद्यार्थ्यांनी घवघवीत यश संपादन केले आहे. सन 2020-21 मध्ये केंद्रातर्फे घेण्यात आलेल्या विविध परीक्षांमध्ये यशस्वी बाजी मारली आहे. यात किरण निलेश पाटील याची केंद्रीय रिजर्व पोलीस दलात, विवेक गणेश राठोड याची भारतीय नौदलात, तेजस प्रमोद जाधव याची भारतीय सेनेत तर गणेश देविदास सोनवणे याची केंद्रीय औद्योगिक सुरक्षा दलात निवड झाली आहे. या निकालामुळे राजेश जाधव गणित आणि बुद्धिमत्ता अकॅडमीच्या शिरपेचात मानाचा तुरा रोवला आहे. यावेळी अकॅडमीचे संचालक प्रा. राजेश जाधव यांनी असे सांगितले की, कोणतीही परीक्षा कठीण किंवा सोपी नसते. अभ्यासाच्या नियोजनबद्ध मार्गदर्शनामुळे यश खेचून आणता येते. तसेच या यशाचे श्रेय विद्यार्थ्यांच्या कठोर मेहनतीला असल्याचे त्यांनी सांगितले.