<
कानळदा-(ता.जळगाव)-ग्रामीण शिक्षण संस्था संचलित आदर्श विद्यालय व कनिष्ठ महाविद्यालय कानळदा येथे विद्यालयाचे उपशिक्षक श्री.आर.व्ही.पाटील सर यांना जळगाव तालुका पंचायती समिती ,भोकर कानळदा गटातर्फे गुणवंत शिक्षक पुरस्कार मिळाल्यानिमित्त विद्यालयात त्यांच्या सत्काराचा कार्यक्रम मोठ्या उत्साहात संपन्न झाला.याप्रसंगी सांस्कृतिक विभाग प्रमुख श्रीम.व्ही.जे.पवार यांनी आपल्या प्रस्तावनेत पुरस्कार्थी श्री.आर.व्ही.पाटील यांच्या कार्याचा परिचय करून दिला.या कार्यक्रमाचे अध्यक्षस्थान विद्यालयाचे मुख्याध्यापक श्री.आबासो के.पी.चव्हाण सरांनी स्विकारले.
याप्रसंगी विद्यालयाचे उपमुख्या.श्री.के.एम.विसावे सर,उपशिक्षक श्री.एम.जे.पाटील यांनी आपल्या मनोगतातुन पूरस्कारथींच्या अंगी असणारी नवोपक्रमशीलता,या नवोपक्रमशीलतेतून माझा विद्यार्थी मानाने उभा राहून आदर्श जीवन जगला पाहिजे या त्यांच्या गुणांविषयी कथन केले.व्यासपीठावरील उपस्थित जेष्ठ शिक्षक श्री.एस.एम.चव्हाण सर,सर्व शिक्षक व विद्यार्थ्यांच्या उपस्थितीत विद्यालयाचे उपमुख्या.श्री.के.एम.विसावे सरांच्याहस्ते सत्कारमूर्ती श्री.आर.व्ही.पाटील यांना शाल-श्रीफळ पुष्पगुच्छ देऊन गौरविण्यात आले.
तसेच सत्कारमूर्ती यांनी आपल्या मनोगतात माझ्या विद्यार्थ्यांचा वाढता प्रगतीचा आलेख हाच माझ्यासाठी खरा पुरस्कार आहे याबाबतचे मत व्यक्त केले.या कार्यक्रमाची प्रस्तावना सांस्कृतिक विभाग प्रमुख श्रीम.व्ही.जे.पवार आणि विद्यालयाचे उपशिक्षक श्री.एम.जे.पाटील यांनी आभार मानले.
