<
जळगांव(प्रतिनिधी)- केसीई सोसायटी संचलित गुरुवर्य परशुराम विठोबा पाटील प्राथमिक विद्यामंदिराच्या उपशिक्षिका स्वाती पाटील यांना नुकतेच गुणवंत शिक्षिका पुरस्काराने सन्मानित करण्यात आले. शिक्षक भारती संघटनेच्या वतीने शिक्षकांच्या उल्लेखनीय कार्याबाबत शिक्षक गुणगौरव सोहळा कांताई सभागृह येथे संपन्न करण्यात आला त्यात शिक्षक आमदार कपिल पाटील यांच्या हस्ते स्मृतिचिन्ह व प्रमाणपत्र देऊन स्वाती पाटील यांना गौरविण्यात आले. सदर कार्यक्रमासाठी जालिंदर सरोदे , प्रकाश शेळके अशोक पवार, सचिन बनसोडे, करीम सालार आदी मान्यवर उपस्थित होते. त्यांच्या या यशाबद्दल शाळेचे शिक्षण समन्वयक चंद्रकांत भंडारी मुख्याध्यापिका रेखा पाटील तसेच सर्व शिक्षक शिक्षकेतर कर्मचारी यांनी त्यांचे अभिनंदन केले.
