<
जामनेर(प्रतिनिधी)- वादळी पावसाने झोडपलेल्या ओझर, रामपूर, टाकळी, शंकरपुरा या भागात जामनेर शहराच्या प्रथम महिला नगराध्यक्षा साधना गिरीश महाजन यांनी तात्काळ भेट देऊन नुकसानग्रस्तांना धीर दिला.
तसेच प्रशासकीय यंत्रणेला ताबडतोब पंचनामे करून नुकसान ग्रस्तांना लागलीच मदत जाहीर करण्यासंदर्भात सूचना केल्या असून नुकसानग्रस्त भागातील शेतकऱ्यांना खचून न जाता आ.गिरीश महाजन तसेच संपूर्ण भारतीय जनता पार्टी तुमच्यासोबत असून तुम्हाला न्याय मिळेपर्यंत आम्ही लढत राहणार असा धीर नगराध्यक्षानी नुकसानग्रस्त शेतकऱ्यांना दिला. यावेळी तहसीलदार अरुण शेवाळे, भाजपा तालुकाध्यक्ष चंद्रकांत बाविस्कर, गटनेते डॉ. प्रशांत भोंडे, जामनेर तालुका एज्युकेशन सोसायटीचे सचिव जितेंद्र पाटील, नगरसेवक आतिश झाल्टे, नगरसेवक महेंद्र बाविस्कर, सुहास पाटील, नगरसेवक नसीम भाई, माजी नगरसेवक श्रीराम महाजन, प्रदीप महाजन, दीपक तायडे, नितीन झाल्टे, रवींद्र झाल्टे, रितेश पाटील, विजय शिरसाट आदी उपस्थित होते.
