शिकाऊ उमेदवारांना अर्ज भरण्याचे आवाहन

जळगाव(जिमाका वृत्तसेवा)- शिकाऊ उमेदवारांची 111 वी अखिल भारतीय व्यवसाय परीक्षेचे ऑनलाइन अर्ज 13 सप्टेंबर ते 12 ऑक्टोबर 2021 या कालावधीत भरावयाचे आहेत. तत्पूर्वी उमेदवारांनी त्यांच्या आधार कार्डची पडताळणी करणे आवश्यक आहे.

प्रत्यक्ष परीक्षा 13 ते 16 नोव्हेंबर 2021 या कालावधीत ऑनलाइन पध्दतीने होईल, असे अंशकालिन प्राचार्य, मूलभूत प्रशिक्षण तथा अनुषंगिक सूचना केंद्र, द्वारा, औद्योगिक प्रशिक्षण केंद्र, जळगाव यांनी प्रसिध्दीस दिलेल्या शासकीय पत्रकान्वये कळविले आहे.