<
जळगांव(प्रतिनिधी)- शहरातील सिंधी काँलनी,कंवर नगर परीसरातील राहिवासी अशोक साहित्या यांच्या घरात रात्री बारावाजेच्या सुमारास बेडरूम मध्ये तब्बल अडीच फुटाचा मन्यार जातीचा विषारी साप आढळून आला,घरातीलच एका सदस्याला हा प्रकार लक्षात आल्याने पुढील अनर्थ टळला.
त्यांनी लगेचच सर्परक्षक हेमराज सपकाळे, व सहकारी गोविंदा लोहार यांना याबाबत कळविले,घटनास्थळी लगेच सापाचा शोध घेतला असता, साप लाकडी काँट मध्ये आडोशाला लपून बसलेला स्थितीत आढळून आला, सर्परक्षकानी आपले कौशल्य पणाला लावून त्यास सुरक्षितपणे रेस्क्यू केले, शहरात मध्य वर्ती भागात अत्यंत विषारी साप आढळून येत असल्याने नागरिकांनी काळजी घेणे गरजेचे आहे, तसेच परीसरात रात्री बेरात्री साप आढळून आल्यास, स्थानिक सर्परक्षकांना या बाबतची माहिती द्यावी ते तुम्हाला सहकार्य करतील.
