गालापुर जि.प.शाळेत पंतप्रधानांच्या भाषणाचे थेट प्रक्षेपण

सर्वांनी घेतली सुदृढ आरोग्याची शपथ

एरंडोल(चेतन निंबोळकर)- आज खेलरत्न मेजर ध्यानचंद यांची जयंती राष्ट्रीय क्रीडा दिन निमित्त देशाचे नरेंद्र मोदी यांनी दिल्ली येथील इंदिरा गांधी इनडोअर स्टेडियम येथे “फिट इंडिया मुव्हमेंट” चा शुभारंभ केला.देशातील सर्व नागरिकांचा आरोग्य सुदृढ व्हायला पाहिजे,क्रीडा क्षेत्रात देशाने नावलौकिक मिळवला पाहिजे सर्वांनी व्यायामाची कास धरली पाहिजे,यासाठी खुद्द देशाचे पंतप्रधान नरेंद्र मोदी यांनी घेतलेला पुढाकार प्रेरणादायी असल्याचे शाळेचे मुख्याध्यापक तथा राज्य शासन आदर्श शिक्षक पुरस्कार प्राप्त शिक्षक किशोर पाटील कुंझरकर यांनी म्हटले. पंतप्रधानांनी यावेळी देशाला संबोधित केलेल्या भाषणाचे थेट प्रक्षेपण आज २९ऑगस्टला शाळेचे मुख्याध्यापक किशोर पाटील कुंझरकर यांनी मोबाईलच्या सहाय्याने पंतप्रधानांचे भाषणाचे दिल्लीहून सकाळी दहा ते अकरा दरम्यान संपूर्ण आदिवासी वस्तीतील जिल्हा परिषद प्राथमिक शाळा गालापुर याठिकाणी सर्व विद्यार्थी व पालकांना दाखविले व सर्वांना सुदृढ आरोग्याची शपथ दिली.शिक्षक राकेश माळी शाळा व्यवस्थापन समिती अध्यक्ष सुरेश भील,सुभाष भील,सुनील भील सर्व सदस्य व गावकरी उपस्थित होते.