भडगाव(प्रमोद सोनवणे) कोविड-19 च्या प्रादुर्भावामुळे गणेशोत्सव साजरा करण्यासाठी शासनाचे नियम जारी केले असता भडगाव शहरातील सार्वजनिक गणेशोत्सव मंडळाने नियमांचे पालन करून शासनास सहकार्य करून गणेशोत्सव साजरा केल्याबद्दल मंडळांचा सन्मान करण्यात आला.
यावेळी प्रमुख पाहुणे म्हणून उपस्थित पारनेर-नगरचे आमदार, लोकनेते निलेश लंके यांचा पाचोरा-भडगाव कृषी उत्पन्न बाजार समितीचे मुख्य प्रशासक दिलीप वाघ यांच्या हस्ते सन्मान करण्यात आला.
यावेळी निलेश लंके व दिलीप वाघ यांनी स्व.बापुजी युवा फाउंडेशनच्या सामाजिक कार्याचे व फाउंडेशनचे संस्थापक व सर्व सहकाऱ्यांचे कौतुक करत आपले मनोगत व्यक्त केले स्व.बापुजी युवा फाउंडेशनचे संस्थापक लखीचंद पाटील यांनी मंडळांना गणेशोत्सव साजरा करतांना शासनाला सहकार्य करण्याचे आव्हान केले.
तसेच स्वं. बापुजी युवा फाउंडेशन व पारनेरचे आमदार निलेश लंके यांच्या हस्ते भडगांव शहरातील श्री गणेश मंडळांनी कोरोनाचे नियम पाळून गणेशोत्सव साजरा केल्या बद्दल सन्मान करण्यात आला. फाऊंडेशनचे सदस्य हर्षल पाटील, विनोद पाटील, मधुकर वाडेकर, रवींद्र पाटील, जितेंद्र पाटील, किशोर राजपूत, निलेश पाटील, प्रथमेश पाटील, भोला पाटील, चेतन पाटील, प्रशांत सोनवणे, भैय्या पाटील, अमोल पाटील,प्रशांत गालफाडे व फाऊंडेशनच्या सदस्यांनी परिश्रम घेतले.
