<
न्यूज- बिहारच्या खगरिया जिल्ह्यात एका बँकेच्या ग्राहकाच्या खात्यात अचानक साडेपाच लाख रुपये आले आणि त्याने ती रक्कम परत देण्यास नकार दिला.
नंतर बँकेच्या तक्रारीनंतर त्याला अटक करण्यात आली. बँकेचे एसएचओ दीपक कुमार यांनी सांगितले की, आरोपीचे नाव रणजीत दास आहे, जो बख्तियारपूर गावचा रहिवासी आहे. ते म्हणाले की, या प्रकरणी ग्रामीण बँकेने तक्रार केल्यानंतर रणजीतला अटक करण्यात आली.
मानसी परिसरातील ग्रामीण बँक शाखेच्या अधिकाऱ्यांचे म्हणणे आहे की चुकून रणजितच्या खात्यात पैसे हस्तांतरित करण्यात आले. नंतर, रकमेची चौकशी केल्यावर, रणजीतला ती रक्कम परत करण्यास सांगण्यात आले, परंतु त्याने पैसे परत देण्यास नकार दिला. कारण, पंतप्रधानांनी आम्हाला आश्वासन दिले होते की, तुमच्या खात्यात मी 15 लाख रुपये टाकेल.
2014 च्या लोकसभा निवडणुकीत भाजपचे पंतप्रधानपदाचे उमेदवार म्हणून त्यांच्या निवडणूक प्रचारादरम्यान, नरेंद्र मोदी यांनी परदेशातून काळा पैसा आल्यास प्रत्येक बँक खात्यात 15 लाख रुपये हस्तांतरित करण्याचे आश्वासन दिले होते.कायद्यानुसार, एखाद्याच्या खात्यात बँकेद्वारे चुकीच्या पद्धतीने हस्तांतरित केलेले पैसे वापरणे हा दंडनीय गुन्हा आहे.
