<
जळगांव(प्रतिनिधी)- नाशिक येथे सुरू असलेल्या राज्यस्तरीय मल्लखांब निवडचाचणी स्पर्धेत जळगांव जिल्हा मल्लखांब असोसिएशनचा संघ सहभागी झाला आहे या संघातील १८ वर्षांखालील वयोगटात वरणगाव येथील खेळाडू चेतन भूषण मानकरे याची राष्ट्रीय मल्लखांब स्पर्धेसाठी महाराष्ट्राच्या संघात निवड झाली आहे.
राष्ट्रीय मल्लखांब स्पर्धा दि. २७ ते ३० सप्टेंबर या कालावधीत मध्यप्रदेशमधील उज्जैन येथे होत आहे याआधीही चेतन याने शालेय राष्ट्रीय मल्लखांब स्पर्धेत सुवर्णपदक पटकाविले आहे. नाशिक येथे जिल्ह्याच्या संघासोबत प्रशिक्षक म्हणून नरेंद भोई तर संघव्यवस्थापक म्हणून सचिन चौधरी हे गेले आहेत चेतन याच्या या निवडीबद्दल जळगाव जिल्हा मल्लखांब असोसिएशनचे अध्यक्ष शिवछत्रपती पुरस्कार्थी डॉ.नारायण खडके,सचिव राजेश जाधव, कार्याध्यक्ष जयंत जोशी, उपाध्यक्ष प्रा.आशिषकुमार चौधरी, सहसचिव नरेंद्र भोई यांनी अभिनंदन केले आहे. त्यास नरेंद्र भोई यांचे मार्गदर्शन लाभले.
