<
जळगांव(प्रतिनिधी)- भुसावळ, बोदवड व मुक्ताईनगर तालुक्यांच्या विविध गावांमधील असंख्य तरुण अखिल भारतीय लेवा पाटीदार युवक महासंघात प्रवेश करण्यास ईच्छुक आहेत त्या पार्श्वभुमीवर पदविस्तार व नियोजन करण्यासाठी आढावा बैठक नागेश्वर मंदिर वरणगाव येथे घेण्यात आली. कार्यक्रमाच्या प्रारंभी सप्तश्रृंगी माता, लोहपुरुष सरदार वल्लभभाई पटेल व बहिणाबाई चौधरी यांच्या प्रतिमेला वंदन करून व प्रदेशाध्यक्ष प्रदिप भोळे व जिल्हा कार्याध्यक्ष अमोल कोल्हे यांच्या हस्ते पुष्पहार अर्पण करण्यात आला. उपस्थित युवकांच्या वतीने प्रदेशाध्यक्ष प्रदिप भोळे, जिल्हा कार्याध्यक्ष अमोल कोल्हे, प्रदेश सदस्य निखिल रडे, जिल्हा सदस्य अविनाश बऱ्हाटे यांचा पुष्पगुच्छ देऊन सत्कार करण्यात आला.
कार्यक्रमाचे प्रास्ताविक अमोल कोल्हे यांनी केले त्यामध्ये त्यांनी सांगितले, आज लेवा समाज बांधवांनी एकत्र येणे व कुठेही समाजावर अन्याय होत असल्यास त्याठिकाणी आवाज उठवणे समाजबांधवांना सहकार्य करणे हि काळाची गरज आहे. तसेच समाजकार्याची आवड असणाऱ्या चांगल्या युवकांनी मोठ्या संख्येने महासंघात यावे असे आवाहन त्यांनी केले. अध्यक्षीय भाषणात प्रदीप भोळे यांनी ग्रामीण भागातील बहुतांश लेवा समाजाचा शेती हा पिढीजात व्यवसाय असुन शेती बरोबरच पूरक जोड धंदा व आधुनिक शेती केल्याने युवक बरोजगारी वर मात करून समाजाची उन्नती होईल आणि गावोगावी अखिल भारतीय लेवा पाटीदार युवक महासंघाच्या शाखा लावणे व समाजकार्याची पद्धत आदि विषयांवर मार्गदर्शन केले. सर्व उपस्थित युवकांनी स्वतःचा परिचय करुन दिला. भुसावळ, मुक्ताईनगर, बोदवड तालुक्यांमध्ये महासंघाच्या 20 शाखा युवकांनी तयार केलेल्या असुन लवकरच त्या शाखांचे उदघाटन करण्यात येणार आहे व सरदार वल्लभभाई पटेल जयंती पर्यंत 100 शाखांचे अनावरण करण्याचे महासंघाचे नियोजन व उद्दिष्ट आहे. उपस्थित सर्वानुमते आचेगावचे ग्रामपंचायत सदस्य अक्षय बेंडाळे यांची भुसावळ तालुकाध्यक्ष पदी निवड करण्यात आली व प्रदेशाध्यक्ष प्रदीप भोळे यांच्या हस्ते त्यांचा सत्कार करण्यात आला.
कार्यक्रमाचे सुत्रसंचलन ऋषिकेश कोलते यांनी केले तर आभार प्रदर्शन अमोल कोल्हे यांनी केले. कार्यक्रमात अक्षय बेंडाळे, ऋषिकेश कोलते, आकाश पाटील, रोशन इंगळे, सागर पाटील, मयूर इंगळे, विशाल पाटील, प्रदीप वारके, कुणाल नेमाडे, नरेंद्र पाटील, शुभम पाटील, रुपेश पाटील, प्रतीक इंगळे, प्रणव पाटील, लोकेश पाटील, संकेत वारके, प्रवीण इंगळे, प्रथमेश पाटील, जितेंद्र पाटील, ऋषिकेश पाटील, विशाल नेमाडे, विष्णू इंगळे, चेतन भोळे, कल्पेश पाटील, लोकेश खाचणे, शुभम खर्चे, दशरथ पाटील, गोविंदा पाटील, देवेंद्र इंगळे आदी कार्यकर्ते उपस्थित होते.
