आय.पी.इन्वेस्टिगेशन कडून नकली संभाजी बिडी व ३०नंबर बिडी वर छापा टाकून बनावट माल हस्तगत

नंदुरबार(प्रतिनिधी)- आय.पी.इन्वेस्टिंगेशन ला बिडीच्या बनावट मालाविषयी मिळालेला माहितीनुसार सदर बाब नंदुरबार चे पोलीस अधीक्षक श्री महेंद्र पंडित यांच्या निदर्शनास आणून स्थानिक गुन्हाशाखेचे कर्मचाऱ्यांच्या बंदोबस्तात मिळालेल्या माहितीनुसार दिनांक २८आँगस्ट हाजीपार पानसेंटर प्रकाशा (ता.शहादा) येथे छापा टाकून संभाजी बिडी चा बनावट माल मोठ्या प्रमाणात हस्तगत करण्यात येऊन ह्या संमधी दुकान मालक अनिस मुसा मेमन याला ताब्यात घेण्यात आले, त्यानंतर त्याची कसून चौकशी केली असता त्याने हा माल अक्कलकुवा येथून आणल्याचे आय.पी.ला समजले, त्यानंतर संबधित आरोपीला ताब्यात घेऊन अक्कलकुवा पोलीस स्टेशन ला नेऊन संबधीत घटनेची माहिती पोलीस स्टेशन प्रभारी यांना देण्यात आली व पुन्हा आय.पी.इन्वेस्टिंगशन अधिकारी,जिल्हा गुन्हा शाखेचे कर्मचारी व स्थानिक पोलिसांच्या मदतीने अनिस मुसा मेमन याने दिलेल्या माहितीनुसार अक्कलकुवा येथील  श्री गणेश प्रोव्हीजण(परदेशी गल्ली) येथिल दुकानात छापा टाकण्यात आला सदर दुकानातून आय.पी.अधिकाऱ्यांना नकली संभाजी बिडी व ३०नंबर बिडी मोठ्या प्रमाणात आढळून आली, त्यानंतर माल हस्तगत करून मालाचा पंचनामा करण्यात आला व दुकान मालक विनोद भगवानदास बनिया यास ताब्यात घेऊन अक्कलकुवा पोलीस स्टेशनला संबंधितांवर नकली संभाजी बिडी ३०नंबर बिडी विकल्या प्रकरणी रात्री उशिरापर्यंत गुन्हा नोंदवण्यात आला. ह्या वेळी वरिष्ठ आय.पी.अधिकारी अनिल मोरे,अशोराज तायडे, गुन्हा शाखेचे प्रवीण राजपूत, किरण पावरा, स्थानिक पोलीस कर्मचारी उपस्थित होते.