<
जामनेर(शांताराम झाल्टे)- येथील पोलीस निरीक्षक किरण शिंदे यांना अखिल भारतीय भ्रष्टाचार निर्मुलन समितीच्या वतीने २४ रोजी निवेदन देण्यात आले.
सविस्तर वृत्त असे की, जामनेर शहरात व परिसरात अवैध धंद्याचा महापुर सुरु आहे. यामुळे तरूण युवक व्यसनाधीन झालेले आहेत तसेच जामनेर बाजारपेठ(श्रीराम मार्केट) परिसरात सट्टा- जुगार सर्रासपणे चालू असतो. भुसावळ रोडा लगत असलेल्या मुख्य रस्त्याच्या बाजूला अवैध गावठी दारूचा उत आला आहे. या सर्व गोष्टी मुळे कायदा व सुव्यवस्था धोक्यात येत असल्याचे निदर्शनास येते. स्थानिक पोलीस प्रशासनाने अवैध धंद्यांना आळा घालावा व अवैध धंदे करणाऱ्यांवर योग्य ती कारवाई करण्यात यावी अशा प्रकारचे निवेदन अखिल भारतीय भ्रष्टचार निर्मूलन संघर्ष समितीच्या वतीने निवेदन देण्यात आले.
यावेळी संघटनेचे जामनेर तालुकाध्यक्ष गजानन तायडे, उपाध्यक्ष विनोद सोमवंशी, शहराध्यक्ष अविनाश सपकाळे, तालुका मुख्य संघटक मोहन पाटील, तालुका संघटक अतुल मेढे तसेच सर्व पदाधिकारी व कार्यकर्ते उपस्थित होते.
