जामनेर(शांताराम झाल्टे)- तालुक्यात शिवसेना वाढीसाठी वरिष्ठ पातळीवरून सर्वतोपरी प्रयत्न स्थानिक पदाधिकाऱ्यांना केले जात आहे. तालुक्यात वरिष्ठांचे दौरे वाढत आहेत याचेच फलित की काय दिवसेंदिवस अनेक तरुण शिवसेनेत सामील होतांना दिसत आहेत. आता शिवसेना,युवासेना, महिला आघाडी बरोबरच युवतीसेनेसाठी तालुक्यातील शिवसेना जोरात कामाला लागली आहे.
युवतीसेनाच्या विस्तारासाठी युवासेना कोअर कमिटी सदस्य शितल देवरुखकर-शेठ या जिल्हा दौऱ्यावर होत्या. त्यांनी स्थानिक युवतींचे प्रश्न जाणुन घेतले.पक्ष वाढीसाठी उपाययोजना सांगत नव तरुणींना मार्गदर्शन देत बाळकडू पाजले.
यावेळी युवासेना प्रमुख ना.आदित्य ठाकरे यांच्या आदेशाने युवासेना सचिव वरूण सरदेसाई यांच्या सुचनेनुसार शितल देवरुखकर शेठ यांनी युवतीसेना जामनेर तालुका प्रमुख पदी कु.स्नेहल सुनिल पाटील यांची नियुक्ती केली.
स्नेहल पाटील या नांद्रा प्रलो ग्रा.पं.ला निवडुन आलेल्या जिल्ह्यात सर्वात कमी २१ वर्ष वयाच्या ग्रा.पं.सदस्य असुन बीएस्सी झुलोजी असे उच्च शिक्षण घेत आहेत. जामनेर तालुक्यातील सर्वसामान्य घरातील तरुणीला हक्काचं व्यासपीठ मिळवून देऊन त्यांचे प्रश्न सोडविण्याचा प्रयत्न राहील, शिवसेना प्रमुख बाळासाहेब ठाकरे यांचे विचार घराघरा पर्यंत पोहचवुन युवतींना एक दिशा मिळवून देण्यासाठी मी कटीबद्ध असेल असे स्नेहल पाटील यांनी सांगितले.
नियुक्ती पत्र देतांना युवासेना युवती विस्तारक धनश्री कोलगे, युवासेना जिल्हा प्रमुख शिवराज पाटील, उपजिल्हा प्रमुख विश्वजितराजे मनोहर पाटील, सरिता माळी-कोल्हे, डॉ.प्रियंका वैभव पाटील हे उपस्थित होते. पालकमंत्री ना.गुलाबराव पाटील, शिवसेना जिल्हाप्रमुख आ.चंद्रकांत पाटील,आ.लता सोनवणे,महापौर जयश्री महाजन,शिवसेना उपजिल्हाप्रमुख डॉ.मनोहर पाटील यांनी शुभेच्छा देऊन अभिनंदन केले.
