<
स्वातंत्र्याच्या अमृत महोत्सवानिमित्त महाश्रमदान कार्यक्रमातून गांधी जयंती साजरी
जळगाव दि०२(प्रतिनिधी): पाणीपुरवठा व स्वच्छता मंत्री तथा पालकमंत्री जळगाव श्री गुलाबराव पाटील यांच्या हस्ते ग्रामपंचायत चांदसर तालुका धरणगाव येथे स्वातंत्र्याच्या अमृतमहोत्सव अंतर्गत स्वच्छता ही सेवा साठी तसेच महात्मा गांधी यांच्या जयंती निमित्त महाश्रमदान कार्यक्रमाचे आयोजन करण्यात आले.
यावेळी व्यासपीठावर जिल्हाधिकारी श्री अभिजीत राऊत,मुख्य कार्यकारी अधिकारी जि.प.जळगाव डॉ.श्री पंकज आशिया, अपर जिल्हाधिकारी श्री प्रवीण महाजन, उपमुख्य कार्यकारी अधिकारी श्री.दिगंबर लोखंडे, गटविकास अधिकारी श्रीमती स्नेहा कुडचे, व अन्य अधिकारी उपस्थित होते.यावेळी पालकमंत्री ना. गुलाबराव पाटील यांनी स्वच्छतेचे महत्व तसेच स्वच्छतेमुळे कोविड सारखे संकट कसे पळवून लावू शकतो हे विविध उदाहरणांद्वारे स्पष्ट करून दिले.यावेळी मनोगतातून जिल्हाधिकारी अभिजीत राऊत यांनी आरोग्याची पंचसूत्री सांगितली व स्वच्छतेचे महत्त्व पटवून दिले.
मुख्य कार्यकारी अधिकारी डॉ श्री पंकज आशिया यांनी या अभियानाचे महत्त्व पटवून सांगितले तसेच येत्या 100 दिवसात शोषखड्ड्याचे नियोजन करण्याबाबत सूचना केल्या.प्रास्ताविक उपमुख्य कार्यकारी अधिकारी दिगंबर लोखंडे यांनी तर सूत्रसंचालन क्षमता बांधणी तज्ञश्री मनोहर सोनवणे यांनी केले.आभार प्रदर्शन सरपंच श्री सचिन पवार व व गटविकास अधिकारी स्नेहा कुडचे यांनी केले.
