<
जळगाव(प्रतिनिधी)- गोदावरी फाऊंडेशनच्या सचिव तथा स्त्रीरोग तज्ञ डॉ.वर्षा पाटील यांच्या वाढदिवसानिमित्त मोफत शस्त्रक्रिया आणि महाआरोग्य शिबिर घेण्यात आले. तीन दिवस नावनोंदणीची प्रक्रिया घेण्यात आली असून यात साडेतीनशे रुग्णांची नोंद करण्यात आली. शनिवार, ९ ऑक्टोंबरपासून शस्त्रक्रियांना सुरुवात होणार आहे.
गोदावरी फाऊंडेशन संचलित डॉ. उल्हास पाटील वैद्यकीय महाविद्यालय व रूग्णालयातर्फे गरजु रूग्णांसाठी मोफत शस्त्रक्रिया आणि महाआरोग्य शिबिराचे आयोजन करण्यात आले आहे. शुक्रवार, ८ ऑक्टोंबरपर्यंत नावनोंदणी प्रक्रिया पूर्ण झाली असून यात ३५० रुग्णांची नोंदणी करण्यात आली.
याप्रसंगी कोविड नियमांचे पालन करण्यात आले. शनिवार, ९ ऑक्टोंबरपासून शस्त्रक्रियेस सुरुवात होणार आहे. या महाशिबीरात मुतखडा, नाक-कान-घसा शस्त्रक्रिया, कॅन्सरच्या शस्त्रक्रिया, दुर्बिणीद्वारे शस्त्रक्रिया मोफत केल्या जाणार आहे. तसेच जनरल मेडीसीन महाआरोग्य शिबीरात किडनीचे आजार, ब्रेन हॅमरेज, मेंदूज्वर, फुफ्फुसाचे आजार, न्युमोनिया, दमा, क्षयरोग, विषबाधा, लिव्हर, मलेरीया, मोफत डायलेसीसची सुविधा उपलब्ध करून देण्यात आली आहे. तसेच मेडीसीन शिबीरात ब्रेम हॅमरेजशी संबंधीत उपचारासाठी रूग्णालयात भरती झालेल्या रूग्णांची एमआरआय तपासणी सवलतीत केली जात आहे.
