कौन बनेगा करोडपती मध्ये पोलिस दांम्पत्याची कौतुकास्पद कामगिरी; १८ ऑक्टोबरला होणार प्रदर्शीत

जळगाव(प्रतिनिधी)- जिल्हा पोलिस दलातील हूनरबाज कर्मचारी आपल्या सुरेल आवाजाने महाराष्ट्रभर परिचित असलेले पोलिस नाईक संघपाल तायडे व त्यांच्या पत्नी भाग्यश्री तायडे यांची कौन “बनेगा करोडपती” या प्रसिद्ध कार्यक्रमात निवड झाली.

यावेळी अभिनेता अमिताभ बच्चन यांनी त्यांचे कौतुक करुन शुभेच्छा दिल्या. तसेच पोलिस नाईक गायक संघपाल तायडे यांना अमिताभ बच्चन यांनी गायनाची विनंती केली असता, त्यांनी सुरेल गीत सादर करुन बिग बिंची कौतुकाची थाप घेतली. त्यांच्या निवडीबद्दल जिल्हा पोलिस अधीक्षक डॉ.प्रवीण मुंडे, अप्पर पोलीस अधीक्षक चंद्रकांत गवळी, पोलीस उप अधीक्षक कुमार चिंथा यांच्या वतीने सन्मान करण्यात आला. सदर कार्यक्रम दिनांक १८ ऑक्टोबर रोजी रात्री ९ वाजता सोनी टीव्ही हिंदी ला प्रदर्शित होणार आहे. तरी सर्वांनी तो कार्यक्रम आवर्जून पहावा असे आवाहन पोलिस दांम्पत्याकडून करण्यात आले आहे.