दसऱ्याच्या पूर्वसंध्येला इम्पिरियल इंटरनॅशनल स्कूल मध्ये रावण दहन सोहळा संपन्न

पाळधी(वार्ताहर)- इम्पिरियल इंटरनॅशनल स्कूल येथे आज नवरात्री व दसऱ्यानिमित्त रावण दहानाचा कार्यक्रम आयोजित केला गेला. शाळेचे चेअरमन इजि.नरेश चौधरी यांचे हस्ते रावण दहन करण्यात आले.विद्यार्थ्यांकडून चांगल्या सवयीचा स्विकार करु या, वाईट सवयीना हद्दपार करु या. अशी शपथ यावेळी विद्यार्थ्यांकडून घेण्यात आली.

तसेच दांडिया खेळत विद्यार्थ्यांनी नवरात्र उत्सवाचा आनंद घेतला. तसेच नवरात्री निमित्ताने “जागर स्त्री शक्तीचा” या कार्यक्रमा अंतर्गत ज्या महिलांनी घर परिवार सांभाळुन स्वतःची ओळख निर्माण केली आहे, अशा नवदुर्गाना शाळेत आमंत्रित करण्यात आले होते.