जळगांव(प्रतिनिधी)- महाराष्ट्र राज्यमान्य खाजगी प्राथमिक शिक्षक शिक्षकेतर महासंघ जळगांव च्या माध्यमातून आज वेतन अधिक्षिका आर.बी. संदानशिवे (प्राथमिक विभाग ) यांना निवेदन देण्यात आले.
त्यात १) सहाव्या वेतन आयोगाचा हप्ता बाकी असलेल्या शिक्षकांची माहिती मागून लाभ मिळावा . २) सन 2011 – 12 मध्ये आपल्या कार्यालयाकडून कपात झालेल्या आयकराच्या रिटन बाबत प्रश्न मार्गी लावावा.३) वरिष्ठ व निवड श्रेणी प्रशिक्षणाबाबत हमीपत्र घेऊन लागू करावी.४) टीईटी अपात्र शिक्षकांना त्यांचे हमीपत्र घेऊन वेतना बाबत निर्णय घ्यावा.५) वेतनेतर अनुदान वितरीत करण्याबाबत कार्यवाही व्हावी.६) शिक्षकांच्या अडचणी समजून घेऊन पी एफ ची प्रकरणे तात्काळ मार्गी लावावीत.७) डी सी पी एस ची रक्कम एनपीएस मध्ये वर्ग करणे बाबत ची कार्यवाही व्हावी.८) एमपीएस ची रक्कम वेतन झाल्यावर तात्काळ वर्ग होणे बाबत कार्यवाही व्हावी.९) थकीत पुरवणे बिले व वैद्यकीय बिलांच्या आपल्या स्तरावरून पाठपुरावा व्हावा.१०) आपले प्रशासन गतीमान होण्यासाठी कार्यालयात पुरेशा व चांगल्या कर्मचारी वर्गाची मागणी शासनाकडे करावी.
प्रसंगी महासंघाचे राज्य उपाध्यक्ष अशोक मदाने, जिल्हाध्यक्ष हेमंत कुमार पाटील, जिल्हा सचिव देवेंद्र चौधरी, तालुकाध्यक्ष गोविंदा लोखंडे, उपाध्यक्ष सुनिल पवार, तालुका सचिव अजित चौधरी, तालुका प्रसिद्धीप्रमुख योगेश भालेराव, घोलप आदी उपस्थित होते.
