<
जळगांव(प्रतिनिधी)- दिवाळीनिमित्त आनंदाचे वातावरण असतांना गोरगरीब , निराधार वृद्ध देखील या आनंदापासुन वंचित राहता कामा नये या उद्देशाने जळगाव महानगर राष्ट्रवादी काँग्रेस पक्षाच्या वतीने भजे गल्ली येथील संत गाडगेबाबा निराधार निवारा व दिव्याग बांधवांना निवारा केंद्र येथे मिठाई वाटप कार्यक्रम घेण्यात आला.
संत गाडगेबाबा निवारा केंद्र येथील सर्व वृद्ध आजी, आजोबांचे व शहरातील दिव्याग बांधवांचे मिठाई देऊन तोंड गोड करण्यात आले. आरोग्यविषयक किंवा इतर कुठलीही समस्या असल्यास राष्ट्रवादी काँग्रेस पक्ष सदैव निराधार वृद्धांच्या व दिव्याग बांथवाच्या मदतीसाठी सदैव तत्पर राहिल असे जिल्हाध्यक्ष भैय्यासाहेब रविंद्र पाटील यांनी आश्वस्त केले. राष्ट्रवादी काँग्रेस पक्षातील पदाधिकाऱ्यांनी आपुलकीने केलेली विचारपूस व दिलेली भेट यामुळे वृद्धांना भारावून आले व त्यांनी याविषयी समाधान व्यक्त केले.
सदर कार्यक्रमात महानगर जिल्हाध्यक्ष अशोक लाडवंजारी, प्रदेश चिटणीस एजाज मलिक, वाल्मिक पाटिल, मझर पठाण, वाय. एस. महाजन, सुदाम पाटील, अमोल कोल्हे, सुशील शिंदे, विशाल देशमुख, अकील पटेल, अनिल पवार, नईम खाटीक, जितेंद्र बागरे, योगेश लाडवंजारी, गणेश पाटील, आदी पदाधिकारी उपस्थित होते.
