<
जळगांव(प्रतिनिधी)- केसीई सोसायटी संचलित गुरुवर्य प. वि. पाटील विद्यालयात राष्ट्रीय शिक्षण दिन उत्साहात साजरा करण्यात आला. सर्वप्रथम शाळेच्या मुख्याध्यापिका रेखा पाटील यांच्या हस्ते भारताचे पहिले शिक्षणमंत्री मौलाना अबुल कलाम आझाद यांच्या प्रतिमेला पुष्पहार अर्पण करून कार्यक्रमाची सुरुवात करण्यात आली.
शिक्षकांनी विद्यार्थ्यांना ऑनलाइन पद्धतीने मौलाना अबुल कलाम आझाद यांच्या कार्याची ओळख करून दिली तर शिक्षणाचे महत्त्व पटवून दिले. प्रसंगी उपशिक्षक योगेश भालेराव, सरला पाटील, दिपाली चौधरी, अशोक चौधरी, धनश्री पालक, कल्पना तायडे, स्वाती पाटील, सूर्यकांत पाटील, देवेंद्र चौधरी, सुनील नारखेडे, सुधीर वाणी आदी शिक्षक शिक्षकेतर कर्मचारी उपस्थित होते.
