सौ.सु.ग.देवकर प्राथमिक शाळेत राष्ट्रीय शिक्षण दिन साजरा

जळगांव(प्रतिनिधी)- शिक्षण प्रसारक मंडळ संचलित सौ.सु.ग.देवकर प्रायमरी स्कूल मध्ये शाळेच्या मुख्याध्यापिका सौ.साधना महाजन यांच्या हस्ते भारताचे पहिले शिक्षणमंत्री मौलाना अबुल कलाम आझाद यांच्या प्रतिमेचे पूजन करण्यात आले. मौलाना अबुल कलाम आझाद यांचा ११ नोव्हेंबर हा जन्मदिवस राष्ट्रीय शिक्षण दिन म्हणून साजरा केला जातो. शाळेतील उपशिक्षिका सौ. सपना नेमाने यांनी मौलाना अबुल कलाम आझाद यांचे शिक्षणविषयक योगदान व विचार उपस्थितांसमोर मांडले. यावेळी सर्व शिक्षक वृंद उपस्थित होते.