<
जळगांव(प्रतिनिधी)- मुंबईमध्ये २६/११ च्या हल्ल्यात शहीद झालेल्या पोलिस अधिकारी, जवान व कर्मचाऱ्यांना वतीने पुष्पहार अर्पण करून श्रद्धांजली वाहण्यात आली. २६/११ हल्ल्यात शहीद झालेल्या पोलीस बांधवाना महाराष्ट्र पोलीस बॉईज संघटनेच्या वतीने मशाल रॅली काढून वाहिली श्रद्धांजली महाराष्ट्र पोलीस बॉईज संघटना महाराष्ट्र राज्य आयोजित महाराष्ट्र पोलीस बॉईज संघटना जळगांव जिल्ह्याच्या वतीने काव्यरत्नावली चौक ते शहर वाहतूक शाखेपर्यंत मशाल रॅली काढत श्रद्धांजली वाहण्यात आली.
२६/११ ही काळी रात्र महाराष्ट्रातील सर्वांनाच परिचित या काळ्या रात्री मुंबई येथे दहशतवाद्याच्या झालेल्या भ्याड हल्ल्यात महाराष्ट्रच नाही तर संपूर्ण देश हादरुन गेला. आपल्या रक्षणासाठी तैनात असलेल्या समाज बांधवानी आपल्या प्राणाची आहुती दिली. त्यांनी दिलेल्या आहुतीला स्मरण करुन अभिवादन करण्यासाठी सदर रॅलीचे आयोजन करण्यात आले होते.
यावेळी संघटनेचे संपर्क प्रमुख कुणाल मोरे, निवेदिता ताठे, राहुल सूर्यवंशी, किरण राजपूत, राकेश कांबळे, चेतन निंबोळकर, दिलीप साळुंखे, आरिफ पिंजारी, अकील शेख, भूषण सुरळकर आदी पदाधिकारी उपस्थित होते.
