“या” कारणाने विकी व कॅटच्या लग्नाचे फोटो होणार नाहीत लीक!

सोशल मीडियावर कॅटरिना कैफ आणि विकी कौशल यांच्या लग्नांच्या बातम्यांचा जणू पूर आला आहे. विकी व कॅट येत्या 9 डिसेंबरला लग्नगाठ बांधणार असल्याचं मानलं जातेय. लग्नाची तयारी जवळपास पूर्ण झाली आहे. विकी व कतरिनाच्या लग्नावेळी कडेकोट सुरक्षा व्यवस्था असणार आहे. लग्नाचा एकही फोटो लीक होऊ नये, यासाठी दोघांचा प्रचंड आटापीटा सुरू आहे. याला कारणही खास आहे. होय, एक ताजी अपडेट समोर येतेय.
 विकी व कॅटने आपल्या लग्नाचे फोटो व व्हिडीओचे राईट्स एका मोठ्या मॅगझिनला विकल्याचे कळतेय.

विकी व कतरिनाने लग्नाचे फोटो व व्हिडीओचे राईट्स एका आंतरराष्ट्रीय मॅगझिनच्या भारतीय आवृत्तीला विकले आहेत. या मोबदल्यात मोठी रक्कम कपलला मिळणार आहे. कतरिना व तिच्या टीमने मॅगझिनच्या लोकांची चर्चा केली आणि मोठ्या रकमेची एक डील फायनल झाली. त्यामुळे विकी व कॅटच्या लग्नाचे अगदी काही निवडक फोटो सोशल मीडियावर पाहायला मिळतील आणि ते सुद्धा स्वत: कपल शेअर करेल.