देशमुख महाविद्यालयात डॉ. बाबासाहेब आंबेडकर यांना महापरिनिर्वाण दिनानिमित्त अभिवादन

भडगाव(प्रतिनिधी)- सौ. रजनीताई नानासाहेब देशमुख कला, वाणिज्य व विज्ञान महाविद्यालयात डॉ. बाबासाहेब आंबेडकर यांचा महापरिनिर्वाण दिन संपन्न झाला. याप्रसंगी डॉ. बाबासाहेब आंबेडकर यांच्या प्रतिमेला उपस्थितांच्या हस्ते माल्यार्पण करून त्यांना अभिवादन करण्यात आले.

कार्यक्रमाच्या अध्यक्षस्थानी उपप्राचार्य प्रा. एस. आर. पाटील हे होते. प्रमुख वक्ते म्हणून डॉ. एस.डी. भैसे उपस्थित होते. कार्यक्रमाचे प्रास्ताविक जयंती- पुण्यतिथी समितीचे अध्यक्ष डॉ. एन.व्ही. चिमणकर यांनी केले. सूत्रसंचालन प्रा. डी. ए. मस्की यांनी केले तर आभारप्रदर्शन राष्ट्रीय सेवा योजना कार्यक्रम अधिकारी प्रा. जी.एस.अहिरराव यांनी केले. कार्यक्रमाला विद्यार्थी विकास अधिकारी डॉ. दीपक मराठे, प्रा.ए.एन.भंगाळे, प्रा. एम. डी. बिर्ला, डॉ. एस.जी. शेलार, डॉ. एस. एन. हडोळतीकर, प्रा. शिरसाट तसेच सर्व प्राध्यापक प्राध्यापकेतर कर्मचारी व विद्यार्थी यांची उपस्थिती होती.