<
अमळनेर तालुका प्रतिनिधी : युवा मल्हार सेना व धनगर समाजाच्या वतीने टॅक्सी चालवणाऱ्या सर्व बांधवांचे अभिनंदन करण्यात आले व सत्कार करण्यात आला.
गेल्या तीस पस्तीस दिवसापासून राज्य परिवहन मंडळाच्या संपामुळे संपूर्ण वाहतूक व्यवस्था विस्कळीत झालेली आहे. जनतेला प्रवासी वाहतुकीसाठी वन वन भटकावे लागत आहे.
त्यातच कोणी अव्वाच्या सव्वा भाडे आकारून सामान्य जनतेला त्रस्त करत आहे. परंतु याही कालावधीत टॅक्सी युनियन अमळनेर प्रामाणिकपणे सेवा देत आहे. त्यांच्या नियमित फेर्‍या सुरू आहेत. अमळनेर- चोपडा असेल, अमळनेर- पारोळा, अमळनेर-धुळे, अमळनेर-शिरपूर अखंडितपणे सुरू आहेत.
वाजवी भाड्यात वाहतूक करणारी टॅक्सी युनियन ही एकमेव संघटना आहे. इतर खाजगी वाहतूक करणारे मनमानी पद्धतीने भाडे आकारून घेत आहेत. परंतु टॅक्सी युनियन अमळनेर यांनी कोणतीही भाडेवाढ न करता वाजवी दरात वाहतूक सुरू ठेवलेले आहे त्यामुळे त्याची दखल घेत धनगर समाज युवा मल्हार सेना उत्तर महाराष्ट्र अध्यक्ष देवा लांडगे व सामाजिक कार्यकर्ते डी ए धनगर यांनी त्यांच्या केबिनमध्ये जाऊन सत्कार केला.
यावेळी संघटनेचे अध्यक्ष बंडू अरुण पाटील,जयवंतराव केळकर,मोहन पाटील,बबलू चौधरी,नाना पाटील,अनिल बागुल,दिपक पाटील, महेंद्र धनगर आदी मोठ्या संख्येने उपस्थित होते.
