<
यावल(प्रतिनिधी)- गेल्या अनेक दिवसांपासून केळीचे बोर्डाचे भाव आणि खरेदी भाव यात त्याला तफावत आहे जे बोर्डाने ठरवलेले भाव असतात ते व्यापारी मान्य करत नाहीत आणि अतिशय पडलेल्या भावात शेतकऱ्यांकडून माल खरेदी करून नफेखोरी करत आहे या सर्व व्यवस्थेवर बाजारसमिती त्यांना वचक नसून बाजार समितीत अनेक वेळा ठराव करून सुद्धा शेतकऱ्यांची पिळवणूक होत आहे ही अतिशय निंदनीय गोष्ट आहे 1000रु चा बोर्डाचा भाव असताना सुद्धा 200 ते 300 रुपयांपर्यंत केळी खरेदी केली जाते.
शेतकऱ्यांची अडवणूक केली जाते, शेतमाल शेतातच पिकतो, वाया जातो तरी कापणी होत नाही या सर्व समस्यांचे निराकरण व्हावे ही शेतकऱ्यांची मागणी आहे आणि आपल्या माध्यमातून आपण उपाययोजना कराव्यात अन्यथा शेतकऱ्यांना रस्त्यावर उतरल्याशिवाय पर्याय राहणार नाही आणि योग्य कारवाई न झाल्यास रास्ता रोको आंदोलन केले जाईल याची नोंद घ्यावी.जास्त जमिनी असलेल्या शेतकऱ्यांना तरी व्यापाऱ्यांचा दारात काहीतरी स्थान असते परंतु अल्प भूधारक शेतकरी बोलूसुद्धा शकत नाही आणि त्याची जास्तच पिळवणूक होते.
केळी महामंडळ स्थापन होईल तेव्हा होईल आणि उपाययोजना करेल तेव्हा करेल तोपर्यंत केळी उत्पादक शेतकऱ्यांनी मरणयातना सोसायच्या का? हा सुद्धा गंभीर प्रश्न आहे. लवकरात लवकर या गंभीर प्रश्नाकडे लक्ष देऊन उपाययोजना कराव्यात. अशी मागणी डॉ. कुंदन फेगडे, डॉ. नरेंद्र कोल्हे, रितेश बारी, तुषार चौधरी, मनोज बारी यांनी निवेदनाद्वारे केली.
