<
जळगांव(प्रतिनिधी)- येथील धनाजी नाना चौधरी विद्या प्रबोधिनी जळगाव या संस्थेची स्व. लोकसेवक मधुकरराव चौधरी यांच्या प्रेरणेने व स्व. सुधाकर दादा अत्तरदे यांच्या मार्गदर्शनाखाली सन १९९४ मध्ये मुहूर्तमेढ रोवण्यात आली असे हळूहळू या संस्थेने २५ व्या वर्षात यशस्वी पदार्पण केले आहे. संस्थेचे अध्यक्ष आमदार शिरीषदादा चौधरी हे रावेर विधानसभा मतदारसंघाचे आमदार म्हणून निवडून आले.
नुकतीच त्यांची आणि त्यांच्या सहकाऱ्यांची तापी परिसर विद्या मंडळ फैजपुर या संस्थेच्या कार्यकारी मंडळावर बिनविरोध निवड झाली. संस्थेचे संचालक चंदन अत्तरदे यांची दि पीपल्स को-ऑपरेटिव्ह बँक या बँकेच्या संचालक पदी व मधूस्नेह परिवारातील युवा नेतृत्व धनंजय शिरीष चौधरी यांची चेतना शिक्षण संस्था बांद्रा या शिक्षण संस्थेच्या संचालकपदी बिनविरोध निवड झाली. या सर्व सत्कारार्थी यांचा सत्कार करून दुग्धशर्करा योग साधण्याचा संस्थेचा मानस आहे.
दिनांक १३ डिसेंबर २०२१ सोमवार रोजी सायंकाळी ४:३० वाजता संस्थेच्या प्रांगणात सदर सत्कार कार्यक्रमाचे आयोजन करण्यात आले आहे. तरी सर्वांनी उपस्थित रहावे असे आवाहन संस्थेचे प्रसिद्धीप्रमुख निलेश चौधरी यांनी प्रसिद्धीपत्रकाद्वारे केली आहे.
